Snjóbrot og þéttur skógur

Á Végeirsstöðum í Fnjóskadal á Háskólinn á Akureyri einn fallegasta sumarhúsareit sem finnst á Íslandi og þó víðar væri leitað. Þar standa fimm lítil sumarhús umkringd mjög hávöxnum og fjölbreyttum skógi.

Síðasti vetur var mjög erfiður og urðu miklar skemmdir á skóginum, sérstaklega á sitkagreni trjánum. Mikill og blautur snjór braut fjölda trjáa og vorum við ráðnir til að taka til í snjóbrotinu ásamt því að grisja skóginn duglega.

Mörg stór tré stóðu allt of nálægt húsunum og einnig var skógurinn orðinn erfiður að fara um sökum stærðar og þéttleika trjánna.

Við felldum öll tré sem stóðu innan við fimm metra frá húsunum til að auka loftflæði, opna útsýni og vernda húsin. Flest brotnu trén voru síðan felld og að lokum grisjað duglega í kringum húsin.