Klifur og keðjusög

Við höfum verið að vinna í höfuðborginni með vinum okkar og miklum snillingum í Trjáprýði. Þeir eru án vafa þeir allra bestu í trjáklifri og erfiðum trjáfellingum á Íslandi.

Einn daginn tókum við að okkur sérstaklega skemmtilegt verkefni. Að fella tvær 17 metra háar aspir í bakgarði. Önnur öspin var tvístofna og hin var þrístofna. Þær voru umkringdar húsum, bílskúrum, girðingum og til að toppa þetta var lítill ljósastaur í um 2 metra fjarlægð frá annarri þeirra og náði að stinga sér inn á milli greina. Þetta gerði það að verkum að ekki var hægt að fella trén í heilu lagi og vorum við því bróðurpartinn úr deginum að klifra og fella þau í litlum bútum.

Svona trjáfellingar krefjast mikillar kunnáttu og æfingar. Ekki bara keðjusaga kunnáttu, heldur líka í klifri og sérstaklega í línuvinnu til að gæta að öryggi klifrarans og auðvitað til að skemma ekki það sem er á jörðu niðri.

Heimasíða Trjáprýði: https://trjaprydi.is/

Hér fylgja með nokkrar myndir af vinnunni og einnig fyrir og eftir myndir.